geo / eng

სასტუმრო "კაპა" მდებარეობს კურორტ აბასთუმანის ულამაზეს ხეობაში. ის ორი შენობისგან შედგება. პირველ, მთავარ, შენობაში 8, ხოლო მეორეში, რომელიც მხოლოდ ზაფხულში ფუნქციონირებს, 3 ნომერია. სასტუმრო “კაპა” გთავაზობთ სასიამოვნო დასვენებას თქვენს ოჯახთან ერთად. სასტუმროში არის ბილიარდის მაგიდა, მაგიდის ტენისი, მასაჟის ოთახი და ბარი. ბავშვებისათვის სასტუმრო “კაპა” გთავაზობთ სათამაშო მოედანს მრავალფეროვანი ატრაქციონებით.

“კაპა” ოჯახური ტიპის სასტუმროა. აქ ყველგან იგრძნობა მასპინძელთა მზრუნველი ხელი. თქვენ ყურადღებას არ მოგაკლებენ საუზმის, სასტუმროში დაბინავების და საღამოს – ჰოლში გართობის დროს. სასტუმრო “კაპა” განსაკუთრებულ და დაუვიწყარ დღეებს სთავაზობს მათ, ვისაც მშვიდ და წყნარ გარემოში სურს დასვენება.
 
 

აბასთუმანი

საქართველოს ულამაზესი სპა-კურორტი – აბასთუმანი - ახალციხიდან 30 კმ-ით არის დაცილებული. კურორტი მდინარე ოცხეს  ნაპირზე არის გაშლილი. მდინარეს რამდენიმე ხიდი ჰკვეთს. დიდი ხნის წინ აშენებული, შთამბეჭდავი შენობები მე-19-ე საუკუნის დიდებულ წარსულს მოგვაგონებენ.

აბასთუმნიდან შეგიძლიათ ეწვიოთ ეროვნულ პარკს. ასევე, შეგიძლიათ ფეხით, ცხენით ან სამთო ველოსიპედით ზეკარის უღელტეხილზე ახვიდეთ და, უმალ, წინ უმშვენიერესი ალპური მთების მწვერვალები წარმოგიდგებათ.
 

სამცხე-ჯავახეთი

სამცხე-ჯავახეთი 800-წლიანი ისტორიის მქონე სტუმართმოყვარე საქართველოს ერთ-ერთი რეგიონი გახლავთ, სადაც კლდეში ნაკვეთი მონასტრები და ციხე-სიმაგრეები ერთმანეთს ენაცვლებიან. აქვე იხილავთ გაუვალ ტყეებს და მშვენიერ დაბლობებს, მდინარეებს და ბუნებრივად წარმოქმნილ ქანებს. აქ იგრძნობთ წარსულის სიდიადეს.